Vitnaleyðslur yfir níu-menningunum í Héraðsdómi Reykjaness í Hafnarfirði
- Staðsetning
- Óstaðsett
- Hefst
- Fimmtudagur 11. september 2014 09:00
- Lýkur
- Fimmtudagur 11. september 2014 17:00
Tengt efni
Styðjum níu-menningana úr Gálgahrauni
Náttúruverndarhreyfingin á Íslandi mótmæla aðför að níu-menningunum úr Gálgahrauniog hvetja þau alla þá sem láta sér annt um náttúru Íslands og frelsið til að mótmæla athöfnum stjórnvalda til að mæta í Héraðsdómi Reykjaness í Hafnarfirði kl. 9.00 á fimmtudaginn 11. september til stuðnings níu-menningunum en þá hefjast vitnaleiðslur í Héraðsdómi Reykjanes í sakamáli sem Lögreglustjórinn á höfuðborgarsvæðinu hefur höfðað gegn níu einstaklingum sem andhæfðu náttúruspjöllum Garðabæjar og Vegagerðar ríkisins í Gálgahrauni. Níumenningarnir eru hluti mun stærri hóps sem mótmælti vegalagningu nýs Álftanesvegar í Gálgahrauni sem var að mati margra bæði ónauðsynlegur og ólöglegur.
Þann 21. október á síðasta ári, á sama tíma og krafa stærstu umhverfissamtaka landsins um ógildingu framkvæmdaleyfis var fyrir dómstólum, lét lögregla höfuðborgarsvæðisins til skarar skríða gegn friðsömum mótmælendum. Yfir 60 lögreglumenn vopnaðir gasi og kylfum stóðu vörð um jarðýtu sem ruddist í gegnum hraunið og handtók á þriðja tug friðsamra mótmælenda sem voru fluttir á lögreglustöðina við Hverfisgötu. Mörg þeirra þurftu að dúsa í einangrunarklefum tímum saman. Nokkru síðar voru níu manns ákærð af lögreglu höfuðborgarsvæðisins fyrir að óhlýðnast lögreglu. Lögmenn níumenninganna hafa farið fram á að kæran verði felld niður. Á það hefur ekki verið fallist og því ljóst að stjórnvöld ætla að taka hart á þeim sem bera hag náttúru Íslands fyrir brjósti.
Náttúruverndarhreyfingin á Íslandi mótmæla þessari aðför lögreglu að saklausu fólki sem vildi vernda fallega náttúruperlu og krefjast þess að stjórnvöld láti nú málið niður falla.
Birt:
Uppruni:
Náttúran.isNáttúruverndarsamtök Íslands
Náttúruverndarsamtök Suðvesturlands
Náttúrustofa Suðurlands
Framtíðarlandið
Landvernd
Tilvitnun:
Guðrún Arndís Tryggvadóttir „Styðjum níu-menningana úr Gálgahrauni“, Náttúran.is: 9. september 2014 URL: http://nature.is/d/2014/09/09/stydjum-niu-menningana-ur-galgahrauni/ [Skoðað:20. apríl 2026]Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.
Björt Ólafsdóttir umhverfis- og auðlindaráðherra hefur lagt fram skýrslu fyrir Alþingi um stöðu og stefnu í loftslagsmálum. Tilgangur skýrslunnar er að draga saman nýjustu og bestu upplýsingar um stöðuna í loftslagsmálum og að skapa umræðu um næstu skref í þeim efnum.
Umhverfis- og auðlindaráðuneytið hefur gefið út reglugerð um umhverfismerki en hún gildir um norræna umhverfismerkið Svaninn, og umhverfismerki Evrópusambandsins Blómið. Reglugerðin kveður á um skilyrði fyrir veitingu þessara umhverfismerkja fyrir vörur og þjónustu.
Umhverfisstofnun veitti ekki leyfi fyrir tveimur hótelbyggingum á verndarsvæði Mývatns. Skolphreinsun hótelanna er einnig án leyfis Umhverfisstofnunar. Þá er frárennsli hótels skammt frá vatnsbakka Mývatns bæði í ósamræmi við skilmála deiliskipulags og reglugerðir um hreinsun frárennslis við vatnið. Starfsmannahúsum var bætt við annað hótelið í haust án leyfis Umhverfisstofnunar. Umhverfisstofnun veitti ekki leyfi fyrir vinnubúðum fyrir 50 manns við þriðja hótelið, sem nú er í byggingu. Landvernd freistar þess nú með röð stjórnsýslumála að fá tekið á málum sem varða lífríki Mývatns og allan almenning, í ljósi sívaxandi þunga ferðamannastaums og aukins álags á verndarsvæðin í landinu. Mývatn ver sig ekki sjálft.
Aðalfundur Umhverfisvaktarinnar við Hvalfjörð 2017 verður haldinn sunnudaginn 12. febrúar 2017 kl 17:00 í Garðakaffi, Görðum á Akranesi.
Málþing og vinnustofur í Norræna húsinu 2. febrúar 2017
Í gær lýsti forsætisráðherra Íslendinga því yfir í fyrsta sinn, kvitt og klárt, í stefnuræðu sinni að:
