Nature.is

Debio Godkjent Ökologisk

Debio is a Norwegian organic certificate, but the company also makes assessments on biodynamic agriculture for the German label Demeter. The Norwegian government sets the regulations for Debio’s assessments.

See further information on Debio's website.

European Union Organic Certification

The EU certificate of accordance to its set standards and regulations. The goal is to make it easier for both producers and consumers to label and recognise products produced according to the EU organic farming Regulation.

See further information on the organic farming website of the EU.

Aðalfundur Samtaka lífrænna neytenda

Laugardaginn 25. maí nk. halda Samtök lífrænna neytenda aðalfund sinn í ReykjavíkurAkademíunni Hringbraut 121. Húsið opnar kl. 13:30 en dagskráin er sem hér segir:

• 13:30 Húsið opnar
• 14:00 Aðalfundarstörf
• 14:30 Guðfinnur Jakobsson bóndi í Skaftholti heldur fyrirlestur um lífræna ræktun.
• 15:00 Skúli Helgason fv. þingmaður fjallar um Græna hagkerfið.
• 15:15 Hlé
• 15:30 Afhending heiðursverðlauna SLN.
• 15:45 Guðrún Hallgrímsdóttir stjórnarformaður Vottunarstofunnar Túns fjallar um stöðu lífrænnar ræktunnar á Íslandi í dag.
• 16:15 Kristín Vala Ragnarsdóttir prófessor á verkfræði- og náttúruvísindasviði HÍ fjallar um heimsókn sína til Bhutan en Bhutan er fyrsta landið sem tekur alfarið upp lífrænt vottaða ræktun.
• 16:45 Umræður
• 17:00 Fundi slitið

Sjá viðburðinn á Facebook.
Félagsmenn eru hvattir til að mæta og taka með sér nýja félaga.
Léttar lífrænar veitingar verða í boði fyrir fundargesti.

Kaldur samruni með 10.000 falda orku gass staðfestur

Rýnihópur vísindamanna úr virtum háskólum hefur staðfest kaldan samruna. Þetta hefur þótt heldur ólíklegt hingað til en samt hafa ýmsir reynt, og nú tekist. Efnaferlið er í sjálfu sér ekki flókið, nema hvað einu frumefni er breytt í annað með því þriðja. Eitthvað sem talið var ómögulegt við aðrar aðstæður en í sólum eða stjörnusprengingum.

Vetnis prótónum er þrýst í nikkel með þeim afleiðingum að elektrónur nikkelsin mynda nevtrónur sem kjarni nikkelsins dregur að sér, losar elektrónurnar, og hækkar sætistöluna úr 28 í 29 og myndar kopar. Orkan sem losnar er gríðarleg. 

Andstætt „hefðbundnum“ samruna myndar þessi kaldi samruni enga geislavirkni því nevtrónurnar fara sér hægt. Svo öruggt er þetta talið að NASA á sér þann draum að einhverntíma verði svona orkugjafi í öllum farartækjum og á hverju heimili. 

Stórvirkjanir heyra sögunni til ásamt raflögnum og þéttriðnu neti bensínstöðva. 

Orkan sem fæst úr grammi er 5,1 x 10⁷ Wh/kg eða 50 MWh fyrir hvert kíló af hráefni. Í samanburði er Kárahnjúkavirkjun 690MW. Þetta mun samsvara 1.000 faldri orku bensíns og 10.000 faldri orku gass. Kolefnismengun engin né önnur efnamengun. Til verður reyndar kopar en þörfin fyrir hann í lagnir minnkar. [ kannski tekst mönnum að breyta koparnum í zink í næsta skrefi...]

Tæknin sem fundin er af Andrea Rossi er kölluð Energy Catalyzer ( E-Cat ) er enn á þróunarstigi en ef þessar niðurstöður eru réttar má búast við hraðri þróun í orkumálum heimsins og þá munu stíflur og virkjanir verða eins og risaeðlur á safni. Eftirspurn eftir olíu mun hrapa og torsóttar lindir verða ekki eftirsóknarverðar.

Sjá grein á ExtremeTech

Sniglar og ranabjöllur

Ég fór einu sinni á fyrirlestur í Garðyrkjuskólanum í Hveragerði. Þar vorum við hvött til að læra að meta skordýrin og gagnsemi þeirra, og læra að elska þau eins og annað í náttúrunni. Líka ranabjöllur? – spurði ein konan í uppgjafartón, því hún vissi hvert svarið yrði. Ég fann til samkenndar því þrátt fyrir allt verðum við að læra að verjast ranabjöllunni og sniglunum. Alveg sama þótt barnabarnið syngi ljóð séra Kristjáns Vals um snigilinn og blómanna blöð eins og engill svo við fáum tár í augun. Ég set erindið hérna til að minna okkur á helgi lífsins áður en við grípum til aðgerða.

Því minnsta lífi í moldu sem býr
ég má ekki trampa á
en svolítið hræddur þó snigillinn flýr
og smámaurinn ber sitt strá

Helstu ráð til varnar sniglum úti og inni eru:

• Gildrur með bjór, pilsner eða súrmjólk
• Setja tóma greipaldinhelminga, sem fanga snigla og lirfur, í innibeð
• Eggjaskurnir muldar
• Kalk
• Handtína snigla úr moldinni og undan blöðum, helst á kvöldin þegar þeir eru komnir á kreik
• Tína sniglana og sjóða og vökva með vatninu og soðnu sniglunum
• Vökva með rotnuðu efninu úr sniglagildrunum ef maður hefur sig í það
• Setja kínakál á stöku stað og láta sniglana hafa það í von um að þeir láti annað í friði
• Setja litla kanta úr blikki umhverfis beðin
• Slá grasið umhverfis beðin svo sniglar eigi þar ekki athvarf
• Vera ánægð yfir því að maður sé ekki farinn að fást við kanínur líka, það kemur að því.
• Kaupa sniglaeitur í búð, ef allt annað bregst og illa stendur á hjá manni. Ef gripið er til slíkra ráðstafana er líka sjálfsagt að athuga hvort þær duga betur en þær náttúrulegu.

Greipaldinhelmingar á hvolfi hafa reynst mér best inni við og líka dregið undir sig ranabjöllulirfur og ég held að sniglarnir verpi undir þeim. Síðan má moka lirfum og sniglum upp með skeið og henda. Sniglar naga kringlótt göt á blöð en ranabjallan nagar utan úr jöðrunum. Úti við hefur mér reynst best að handtína sniglana meðan plönturnar eru örsmáar. Mér líður óneitanlega betur við þessar aðgerðir ef sniglarnir hafa verið látnir vita að þeir séu ekki velkomnir í matjurtagarðinn, en jafnframt að þeir hafi þá friðland annars staðar. Það geri ég með þeim hætti að tengja mig við hópsál sniglanna og segja skýrt og ákveðið hvað sé mitt rými og hvar þeir séu óhultir. Eggert vill nota sót uppleyst í vatni og hella því kringum smáplöntur til að hamla gegn bjöllum en það er ég ekki búin að reyna sjálf. Þetta er vel athugandi fyrir þá sem hafa eldstæði í sumarbústöðum.

Úr bókinni Ætigarðurinn - handbók grasnytjungsins eftir Hildi Hákonardóttur. Bókin fæst keypt hér á Náttúrumarkaðinum.