Garðlistaveisla í Seljagarði

Í Seljahverfi hefur hópur fólks komið á laggirnar samfélagsreknu borgarbýli undir nafninu Seljagarður.

Seljagarður er skapaður í anda vistræktar og með þekkingu og getu samfélagsins má búast við miklu í framtíðinni. Verið er að reisa gróðurhús og garðræktin er komin vel á veg.

Í Seljagarði er einnig boðið upp á dagksrá en næstkomandi sunnudag þ. 17. ágúst  kl 16:00 verður haldin garðlistaveisla og mun verða boðið upp á ókeypis súpu og námskeið.

Guðrún Tryggvadóttir myndlistamaður og framkvæmdastjóri Náttúran.is býður upp á ókeypis leiðbeinslu í málun með vatnslitum, með jurtir sem hugmynd, fyrirmynd eða efnivið.

Auður I. Ottesen garðyrkjufræðingur og ritstjóri tímaritsins Sumarhússins og garðsins mun einnig vera með ókeypis námskeið en hún mun kenna að vefa úr greinum og viði.

Sjá viðburðinn á facebook.

Sjá Seljagarð hér á Grænum síðum.

Meiri upplýsingar um Seljagarð borgarbýli á seljagardur.is.