Efni frá höfundi

Rífa fyrst pappírshluta límmiðans af, leysa fyrst upp með vatni ef nauðsynlegt er og rífa af.  Seigar límrestarnar sem eftir verða er hægt að strjúka með olíu og nudda síðan af með eldhússvampi sem dýft hefur verið í olíu.

Grafík: Plastílát, Guðrún A. Tryggvadóttir.

Engin móða kemur á baðspeglinn ef þið nuddið spegilinn með hálfri hrárri kartöflu, þvoið síðan af með köldu vatni og þurrkið með dagblöðum eða eldhúspappír.

Grafík: Spegill og kartöflur. Guðrún Tryggvadóttir og Signý Kolbeinsdóttir ©Náttúran.is.

Kertavax sem runnið hefur á slétta fleti, svo sem gerviefni, tré eða gler, er hægt að losna við með því að hita flötinn með hárþurrku og þurrka svo af með eldhúspappír.

Straujaður bómullarfatnaður og annað ætti ekki að setja strax inn í skáp heldur eftir að hann er alveg þurr og kaldur.

Dýfið tveim bómullarhnoðrum í kamilluseyði og leggið á lokuð augun og leyfið að vera á í 15 mínútur. Augun róast og svartir skuggar og rendur minnka.

Ljósmynd: Kamilla. Guðrún A. Tryggvadóttir.

Hengið eða stillið ekki speglum upp þar sem sólin getur skinið beint á þá því það getur brennt bletti í spegilinn.

Til að forða blómavasa frá að detta um er gott að setja nokkra steina, glerkúlur eða jafnvel sand í botninn. Þannig helst jafnvægið og vasinn verður stöðugur.

Grafík: Blómavasi, Signý Kolbeinsdóttir.

Pappír límist vel á málmfleti, ef maður nuddar málmflötinn fyrst með safa úr lauk eða með sódavatni.

Ljósmynd fengin að lána á theornamentgirl.com.

Heitt bað orsakar móðu á baðspeglinum. En það er hægt að koma í veg fyrir móðu á baðspeglinum með því að láta nokkra sentimetra af köldu vatni leka í baðkarið áður en skrúfað er frá heita vatninu.

Þvoðu andlitið með mildri hreinsimjók, setjið síðan þvottapoka í heitt vatn. Leggið þvottapokann síðan laust á andlitið í eina til tvær mínútur. Setjið síðan bómullarservíettu í volgt vatn með tveim til þremur teskeiðum af eplaediki. Leggið þetta á andlitið og setjið heita þvottapokann yfir klútinn á andlitinu. Látið vera á í 5 mínútur og skolið síðan af með heitu vatni ...

Ef blettir eru á marmaraplötum eða mósaíkgólfi, má alls ekki þvo þá með sápu eða hreinsiefnum. Nuddið einfaldlega með sítrónusafa og þvoið af með vatni. Einnig er hægt að bæta svolitlu salti á sítrónubörkinn og nudda með honum.

Klósettskálina má þrífa með lyftidufti í staðinn fyrir hreinsiefni. Látið liggja í skálinni og sturtið svo niður.

Matarlím, leyst upp í örlitlu af ediki, er mjög gott lím fyrir tré, gler og postulín.

Til að ná burtu sérstaklega erfiðum blettum af flísum er gott að þurrka flísarnar með blöndu af heitu vatni og ediki í jöfnum hlutföllum.

Einnig er hægt að nudda hálfri sítrónu yfir erfiðu blettina og látið liggja á og síðan þvo af og skola vel.

Blanda úr kaldri mjólk með nokkrum dropum af matarolíu (eða smjörlíki) og ediki er borin janft á allt píanóið og pússað.

Dýfið klút í eplaedik, og strjúkið handarkrikana eftir bað eða sturtu. Það er gott fyrir húðina og heldur bakteríubúskapnum í skefjum en það eru eimitt bakteríurnar sem eiga sök á því að svitalykt myndast. Auk þess virkar eplaedikið frískandi á húðina án þess að hafa neikvæð áhrif á sýrustig húðarinnar.

Eggjahvíta er vel stífþeytt og síðan hituð í ofni þar til hún verður aftur fljótandi.

Skæri skerpir maður með því að klippa mörgu sinnum í fínt sandpappírsblað.

Grafík: Skæri að klippa sandpappír Guðrún A. Tryggvadóttir.

Bitlaus skæri skerpir maður með því að klippa mörgum sinnum í álpappír.

Grafík: Skæri að klippa álpappír, Guðrún A. Tryggvadóttir.

Best er að hreinsa farðann af sér með avokadóolíu. Maskarinn og annar farði hreinsast þannig auðveldlega auk þess sem olían er góð fyrir húðina.

Nótnaborðið á píanóinu verður aftur fallegt ef nóturnar eru nuddaðar með tannkremi í blautum klút. Látið þorna á nótnaborðinu og síðan eru nóturnar pússaðar með mjúkum klút.

Grafík: Píanónótur, Guðrún A. Tryggvadóttir.

Nuddið sápu á baðspegilinn og pússið síðan af með eldhúspappír. Eftir það sest móða ekki lengur á baðspegilinn.

Berið avokadoolíu daglega í kringum augun og klappið hana mjúklega inn í húðina. Þurrkið olíuna sem húðin dregur ekki í sig af eftir nokkrar mínútur. Með reglulegri notkun mildast jafnvel djúpar augnhrukkur.

Kertin leka ekki ef þau eru sett í saltvatn í 1-2 tíma og síðan látin þorna vel áður en kveikt er á þeim.

Með því að nudda hrárri kartöflu á olímálverk fá þau ferskan blæ.

Eplaedikið jafnar sýrustig húðarinnar. Feit og óhrein húð hreinsast og nærist við eplaediksbað. Setjið 250 ml af eplaediki í baðvatnið. Verið a.m.k. 15 mínútur í baðinu, þannig nær húðin að taka upp nægilega sýru úr edikinu.

Þvoið baðkarið með blöndu af ediki og salti.

Kertin brenna lengur og leka ekki ef maður setur þau í frystihólfið nokkrum tímum áður en kveikt er á þeim.

Auðvelt er að hreinsa vax af kertastjökum úr silfri og öðrum málmum ef málmhlutirnir eru settir í frystihólf í rúmlega eina klukkustund áður en þeir eru pússaðir.

Halda má baðkari hreinu ár eftir ár með því að þvo karið reglulega með súrmjólk

Kalkbletti er auðvelt að fjarlægja með ódýru ediki. Ef um erfiðari bletti er að ræða, t.d. á endum vatnskrana, vefðu blettina með klósettpappír og drekktu pappírnum með ediki. Eftir ákveðinn tíma er auðvelt að þurrka kalkblettina í burtu.

Froða sem verður til vegna þvottaefna eða baðfroðu má minnka með venjulegri sápu.

Olímálverk hreinsar maður með mjúkum klút sem dýft hefur verið í heita mjólk, að lokum þurrkar maður málverkið með silkiklút.

Grafík: Málverk og mjólk, Guðrún Tryggvadóttir og Signý Kolbeinsóttir ©Náttúran.is.

Píanónótur hreinsar maður með edikvatni.

Grafík: Píanónótur, Guðrún A. Tryggvadóttir.

Augnhár verða silkimjúk og falleg ef þau eru burstuð (með tannbursta eða sérstökum augnhárabursta) með hveitikímsolíu eða möndluolíu. Best er að gera þetta fyrir svefninn og þvo olíuna svo af morguninn eftir með volgu vatni.

Afgangana af kóki má nota til að hella í klósettið því það hefur hreinsandi áhrif.

Lyktin í eldhúsinu: Til að koma í veg fyrir vonda lykt í eldhúsinu er gott að leggja appelsínubörk á heita eldavélahellu.
Fallegir gluggar með salti: Til þess að fá gluggana til að vera sérstaklega fallega er ráðlagt að bæta salti út í sápuvatnið.
Stálull gegn rispum: Fjarlægja má rispur í timburgólfum með stálull sem dýft er í vaxbón.
Glansandi baðkar ...

Blandið 2-3 matskeiðar af eplaediki í einn líter af vatni. Nuddaðu allan líkamann með þessari upplausn eftir bað eða sturtu. Þannig má hreinsa alla sápuafganga í burtu um leið og edikið fjarlægir lykt. Þetta má gera daglega eða í það minnsta vikulega.

Hægt er að halda emaleruðum sturtum og baðkörum glansandi með einfaldri blöndu. Blandið saman ediki, salti og súrmjólk og nuddið karið með því. Emaleringin heldur þannig fallegum glans.

Nuddaðu laxerolíu á augnhárin á hverju kvöldi fyrir svefninn, þannig verða þau lengri og mýkri.

Kerti brenna mun lengur ef salti er stráð á kveikinn.

Eldurinn kviknar á ný ef salti er stráð í glóðina. Þegar kveikt er upp er einnig gott að setja salt á eldiviðinn.

Skítugar rendur má fjarlægja með tusku dýfðri í fínt matarsalt. Skrúbbið vandræðasvæðin og skolið svo vel af.

Gula bletti sem stafa af lekum vatnskrönum, er hægt að fjarlægja með blöndu af ediki og salti í jöfnum hlutföllum. Blandan er látin liggja áður en hún er skoluð af.

Vatnið lekur hljóðlátt í baðkarið, ef maður bindur nylonsokk um kranann.

Glóðin í arninum helst lifandi ef þurrkuðu kartöfluskræli er hent á glóðina.

Skúringaburstar halda sér lengur ef maður hengir þá upp til þerris. Þá fer vatnið ekki inn í viðinn og hárin losna síður.

Fjarlægja má rispur í timburgólfum með stálull sem dýfð er í vaxbón og látin standa í ákveðinn tíma.

Gyllaða myndaramma má af og til þvo með því að nudda hálfri kartöflu á rammann.

Séu sturtudyrnar orðnar mattar og blettóttar má þvo þær með tusku dýfðri í edik. Í framhaldi af því er gott að þurrka af sturtuveggjunum til að koma í veg fyrir myglu- og kalkbletti.

Skrúfið sturtuhausinn af sturtunni og leggið í heitt vatn með salti og ediki.

Ef nauðsyn þykir má endurtaka þetta aftur með því að skipta um vatn.

Hægt er að koma í veg fyrir vonda lykt í uppþvottavélinni með því að setja sítrónubörk í hnífaparagrindina fyrir hvern þvott.

Til þess að fá gluggana til að vera sérstaklega fallega er ráðlagt að bæta salti við vatnið.

Gott er að leggja dagblöð í ruslafötuna áður en ruslapoki er settur í fötuna. Dagblöðin taka þá við rusli og vökva sem getur lekið úr pokanum og vernda þannig fötuna.

Eplaedik er frískandi fyrir allar húðgerðir.
Þynnið eplaedik og nuddið á andlit, í hársvörð og á háls.

Kerti lýsa bjartar ef örlítið af salti er dreift í kringum kveikinn. Þau brenna þá einnig hægar.

Auðvelt er að fjarlægja flugnaskít af speglum, gluggum og myndarömmum með því að nudda flötinn með hálfum og þurrka síðan með blautri tusku.

Oftast nægir að hella sjóðandi heitu vatni í elshúsvaskinn til að losa stíflur.

Til að losa límmiða af lökkuðum málmflötum eru gott að strjúka olíu yfir þá, láta liggja á en eftir það er auðveldara að fjarlægja þá.

Lím-verðmiða er auðvelt að fjarlægja af vörum með því að hita þá með hárþurrku og losa síðan af. Jafnvel bækur og margmiðlunardiskar skaddast ekki með þessari aðferð.

Með því að setja gúmmímottu undir stigann rennur hann ekki. Einnig er hægt að festa gúmmípjötlur undir fæturna á stiganum sjálfum.

Ef vasi er sprunginn er hægt að halda honum saman með því að hella heitu vaxi í hann. Litlar sprungur er hægt að laga með glæru naglalakki.

Kristalvasar verða oft sjúskaðir af því að erfitt er að hreinsa þá að innan vegna þess hve hálsinn er mjór. Gott ráð er að hálffylla vasann með vatni og setja síðan smáskorinn appelsínubörk í vatnið og hrista duglega. Eftir þessa meðferð glansar kristalvasinn aftur eins og nýr væri.

Til að þvo gyllaða ramma, ber maður vínedik á rammann með pensli eða svampi. Eftir nlokkrar mínútur þurrkar maður rammann með köldu vatni og leyfir rammanum að þorna.

Olíumálverk má hreinsa mjúklega með því að dúmpa það með ferskri brauðmylsnu á u.þ.b. þriggja mánaða fresti.

Ef erfitt er að opna túpu, dýfir maður tappaenda túpunnar í sjóðandi vatn. Þá ætti tappinn að opnast auðveldlega.

Fitubletti fjarlægir maður af pappír með því að leggja pappírinn á milli tveggja þerripappírsarka og strauja með straujárni á hæfilegum hita

Hár á kústum sem eru bogin eftir langa notkun, heldur maður yfir potti með sjóðandi vatni en þannig mýkjast hárin aftur upp og kústurinn verður aftur brúklegur.

Aðeins hægt að gera með bursta með náttúrlegum hárum!

Til að koma í veg fyrir óþægilega lykt í eldhúsinu er gott að leggja appelsínubörk á heita eldavélahellu.

Ef að fúgurnar eru orðnar subbulegar útlits má nudda þær með krítardufti, þá verða þær aftur skjannahvítar.

Dýfið tveim bómullarhnoðrum í sterkt svart te, leggið á lokuð augun og leyfið að vera á í 5 mínútur. Virku efnin í teinu virka róandi á augun og hætta að vera rauð og baugarnir hverfa.

Fitubletti nær maður af með blöndu af magnesíum og vatni. Vökvinn er borinn á, látinn þorna og síðan þurrkaður vel af.

Til að hressa upp á gylltra ramma má bursta þá upp úr blöndu með fjórum hlutum af eggjahvítu á móti einum hluta af matarsalti.

Hægt er að halda afrennslisrörinu í eldhúsvasknum hreinu á umhverfisvænan hátt með því að hella sjóðandi heitu soðinu af kartöflunum beint í elshúsvaskinn.

Til þess að lengja líf kústa og handsópa skal þvo þá af og til með heitu vatni og sápu. Hengið kústa alltaf upp eftir notkun því annars bogna hárin á þeim.

Dýfðu nýjum kústi í kraftmikið saltvatn og hengið til þerris. Það gerir kústinn betri og lengir líftíma hans verulega.

Aðeins hægt að gera með bursta með náttúrlegum hárum!

Marmaragluggakistur nuddar maður með glærum skóáburði, látið þorna og síðan er gluggakistan pússuð með tusku.

Skítug olímálverk má þvo með því að nudda það mjúklega með hálfum lauk.

Steinflísar, sérstaklega litaðar, þvær maður ekki með vatni og sápu heldur með bóni á nokkurra mánaða fresti.

Hægt er að afrennslisrörinu í elshúsvasknum hreinum með því að hella kaffikorgnum reglulega í vaskinn og skola niður.

Edik- og sítrónubað er gott fyrir illa farna húð. Það hreinsar mjúklega en samt vel.
Sneiðið þrjár sítrónur og setjið í postulínsskál. Hellið hálfum lítra af eplaediki yfir sítrónurnar. Hyljið og látið standa í um 2 klukkutíma. Hellið vökvanum síðan í heitt baðvatn og njótið.

Límbandsræmur á gjafapappír er hægt að losa með því að strauja yfir þær. Eftir að þær hafa verið straujaðar er auðvelt að losa þær af. Öruggara er að strauja ekki beint yfir límröndina heldur leggja þurran klút á milli.

Setjið eina matskeið af skyri í sitt hvorn bómullarklútinn og leggið á bæði augun í 10 mínútur.

Snagi með sogskálum festist örugglega ef eggjahvítu er strokið inn á sogskálina áður en hann er settur á flísalagðan flöt.

Þegar sápan er orðin of lítil til að þægilegt sé að nota hana, þrýstu henni þá blautri á annað blautt sápustykki.

Dropar úr krananum geta með tímanum orsakað gula flekki í vöskum og baðkörum. Með nokkrum sítrónudropum er hægt að losna alveg við gulu flekkina.

Blandið saman lyftidufti og vatni og nuddið í fúgurnar og leyfið að liggja á í eina klukkustund. Þvoið síðan af með heitu vatni og þurrkið með hreinum klút.

Einnig er hæg tað nota salt til að hreinsa fúgur.

Strekkjandi andlitsmaski:
Andlitsmaskinn inniheldur einungis létthrærða eggjahvítu. Látið maskann virka í u.þ.b. 20 mínútur og liggið í leti á meðan.
Andlitsmaski gegn þreyttri og þurri húð:
Takið eina eggjahvítu og bætið við örlitlum sítrónusafa. Bætið hægt og rólega ólífuolíu út í og hrærið þangað til að blandan er orðin kremkennd. Berið á vel þvegið andlitið og þvoið af ...