Blóm á heimilinu

Plöntur eru ýmist villtar eða framleiddar, þ.e. komið á legg með sáningu fræja eða gróðursetningu t.a.m. stiklinga. Þær jurtir sem eru á boðstólum hérlendis eru ýmist villtar, fluttar inn eða framleiddar hérlendis. Eftirlit með innflutningi fræja, lifandi jurta, afskorinna blóma og áburðar er í höndum Matvælatofnunar. Hlutverk stofnunarinnar er að hindra að sjúkdómar eða meindýr sem berist til landsins gætu valdið tjóni á innlendri plönturæktun. Lífræn fræ og lífrænt ræktaðar plöntur er nú hægt að fá frá mörgum framleiðendum og eftirspurnin eykst stöðugt.

Lífræn ræktun byggist á því að ekki eru notuð lyf og varnarefni í jarðveginn og einungis er notaður lífrænn áburður. Umhverfisáhrif slíkrar framleiðslu eru mun jákvæðari en við hefðbundna ræktun. Vottunarstofan Tún er meðlimur í IFOAM og sér um að taka út lífræna vottun á landsvæðum og ræktun hér á landi.

Þar sem erfitt er að forðast erfðabreytt afbrigði plantna og fræja á Íslandi  og enn ekki skilda að merkja eða upplýsa neytendur um að um erfðabreyttar lífverur/framleiðslu sé að ræða, hefur áhugi vaknað á því að lýsa heilu sveitirnar „Svæði án erfðabreyttra lífvera“. Í haust mun þó ný reglugerð um merkingu og rekjanleika á erfðabreyttum matvælum öðlast gilda.

Heilsustofnun Náttúrulækningafélags Íslands í Hveragarði er „Svæði án erfðabreyttra lifvera sem og Vallanesbýlið, heimili Móður Jarðar í Fljótsdalshéraði.