ShopShow - HönnunarMars

HönnunarMars stendur fyrir dyrum. Margar áhugaverðar sýningar og viðburðir verða í boði á HönnunarMars í ár. Nokkrar sýninganna hafa vistvæna hönnun sem aðalþema. Ein af þeim er ShopShow.

ShopShow er sýning á norrænni samtímahönnun sem hefur verið sett upp á Norðurlöndunum. Þar er vakin athygli á samspili framleiðslu og neyslu og lögð áhersla á rekjanleika vörunnar. Sýningin sem er nú sett upp í Hafnarborg er unnin af Form Design Center í Malmö. Meðal þátttakenda eru hönnunarteymin Hugdetta og Vík Prjónsdóttir.

Opnun laugardaginn 22. mars kl. 15.

Ljósmynd: Gagnsær stóll úr smiðju Hugdettu hönnunarteymis Róshildar Jónsdóttur og Snæbjarnar Þórs Stefánssonar.