Loftslagsdagur Norðurlanda
- Staðsetning
- Óstaðsett
- Hefst
- Þriðjudagur 11. nóvember 2014 00:00
- Lýkur
- Miðvikudagur 12. nóvember 2014 00:00
Tengt efni
Ný norræn loftslagsáskorun á að efla umhverfisvitund barna
Norræna ráðherranefndin gerði Norræna loftslagsdaginn 11. nóvember að merkisdegi. Þá var nefnilega ýtt úr vör nýju og mjög metnaðarfullu námsefni um norrænt loftslag fyrir aldurshópinn 12 til 14 ára.
Loftslagsnámsefnið er ætlað til kennslu náttúruvísinda- og samfélagsgreina, en einn hluti þess er spennandi norræn skólasamkeppni um orkusparnað sem nefnist „Loftslagsáskorunin“.
„Með Loftslagsáskoruninni leggja Norðurlönd aukna áherslu á sjálfbærni með því að hvetja í senn til samstarfs og samkeppni í kennslu um orku- og umhverfismál í norrænum grunnskólum,“ segir framkvæmdastjóri Norrænu ráðherranefndarinnar, Dagfinn Høybråten, í tengslum við opnun vefgáttarinnar.
Norræna loftslagsáskorunin er tilboð til norrænna skóla um samstarf, sameiginlega fagþekkingu og menntun til að stuðla að sameiginlegri, grænni framtíð. Námsefnið er samið með hliðsjón af námsskrám Norðurlanda. Það er sveigjanlegt og lifandi og byggir á stafrænum námslausnum.
Námsefnið verður hluti af norrænu kennslugáttinni nordeniskolen.org. Í nóvember 2014 fagnar vefgáttin eins árs afmæli og þegar hafa fleiri en 1400 kennarar frá öllum Norðurlöndunum skráð sig.
Loftslagsáskorunin er hluti af stærra átaki á sviði græns vaxtar sem forsætisráðherrar Norðurlanda hafa beðið Norrænu ráðherranefndina að hafa umsjón með. Nánari upplýsingar má finna á www.nordicway.org.
Ánægðir kennarar
Einn af mikilvægustu markhópunum, það er að segja norrænir kennarar, er ákaflega ánægður með sameiginlegt norrænt námsefni.
„Vefurinn nordeniskolen.org er byggður upp á einfaldan hátt, auðvelt er að fá góða yfirsýn og þemun eru góð og breið. Nemendurnir geta fljótt fundið það sem þeir þurfa og á undirsíðum vefsins er gnægtarhorn verkefna og kennsluhugmynda til kennara í „kennarastofunni“,“ segir Martin Jantzen, kennari í Lundtofte-skóla í Lyngby í Danmörku.
Åse Tyldum við Breidablikk-skóla í Þrándheimi í Noregi er á sama máli:
„Auðvelt er að komast í samband við kennara í öðrum norrænum löndum gegnum vefinn og nemendur geta líka auðveldlega myndað tengsl landa í milli. Á þessu skólaári hefur bekkurinn minn haft sænskan vináttubekk og það hefur verið jákvæð upplifun hvort tveggja fyrir kennara og nemendur, segir hún.
Taktu þátt í að styrkja norræna heildarþáttinn í kennslunni. Nánari upplýsingar og forskráningareyðublað má nálgast á kynningarvefnum www.klimaduellen.org
Birt:
Tilvitnun:
Norden - Norræna ráðherranefndin „Ný norræn loftslagsáskorun á að efla umhverfisvitund barna“, Náttúran.is: 14. nóvember 2014 URL: http://nature.is/d/2014/11/14/ny-norraen-loftslagsaskorun-ad-efla-umhverfisvitun/ [Skoðað:1. maí 2026]Efni má nota eða vitna í samkvæmt almennum venjum sé heimilda getið með slóð eða fullri tilvitnun hér að ofan.
Björt Ólafsdóttir umhverfis- og auðlindaráðherra hefur lagt fram skýrslu fyrir Alþingi um stöðu og stefnu í loftslagsmálum. Tilgangur skýrslunnar er að draga saman nýjustu og bestu upplýsingar um stöðuna í loftslagsmálum og að skapa umræðu um næstu skref í þeim efnum.
Umhverfis- og auðlindaráðuneytið hefur gefið út reglugerð um umhverfismerki en hún gildir um norræna umhverfismerkið Svaninn, og umhverfismerki Evrópusambandsins Blómið. Reglugerðin kveður á um skilyrði fyrir veitingu þessara umhverfismerkja fyrir vörur og þjónustu.
Umhverfisstofnun veitti ekki leyfi fyrir tveimur hótelbyggingum á verndarsvæði Mývatns. Skolphreinsun hótelanna er einnig án leyfis Umhverfisstofnunar. Þá er frárennsli hótels skammt frá vatnsbakka Mývatns bæði í ósamræmi við skilmála deiliskipulags og reglugerðir um hreinsun frárennslis við vatnið. Starfsmannahúsum var bætt við annað hótelið í haust án leyfis Umhverfisstofnunar. Umhverfisstofnun veitti ekki leyfi fyrir vinnubúðum fyrir 50 manns við þriðja hótelið, sem nú er í byggingu. Landvernd freistar þess nú með röð stjórnsýslumála að fá tekið á málum sem varða lífríki Mývatns og allan almenning, í ljósi sívaxandi þunga ferðamannastaums og aukins álags á verndarsvæðin í landinu. Mývatn ver sig ekki sjálft.
Aðalfundur Umhverfisvaktarinnar við Hvalfjörð 2017 verður haldinn sunnudaginn 12. febrúar 2017 kl 17:00 í Garðakaffi, Görðum á Akranesi.
Málþing og vinnustofur í Norræna húsinu 2. febrúar 2017
Í gær lýsti forsætisráðherra Íslendinga því yfir í fyrsta sinn, kvitt og klárt, í stefnuræðu sinni að:
