Skrifstofan

Hvort sem þú vinnur heima hjá þér eða notar skrifstofuna fyrir áhugamálin þá er mikilvægt að skoða hvernig starfsemin þar hefur áhrif á umhverfið. Í raun má heimfæra allt sem tekið er fyrir hér á skrifstofurekstur í fyrirtækjum.

Tölvu- og tækjanotkun skipar stóran sess á skrifstofum. Þó að tölvur séu stórkostleg tæki að flestra mati hefur tölvuframleiðsla geigvænlega neikvæð umhverfisáhrif. Bæði vegna þeirra náttúrauðlinda sem framleiðsla hráefnis í tölvurnar hefur í för með sér, flutnings efnis heimsálfa á milli og síðan framleiðsluferlisins við gerð tölvunnar sjálfrar, en hún orsakar aðra röð af neikvæðum umhverfisáhrifum.

Auk þess getur loft orðið „rafmagnað“ í rými sem mörg raftæki eru í. Þurrt loft og geislun frá skjáum geta haft neikvæð áhrif á heilsuna og því er regluleg loftun mjög mikilvæg. Ein góð planta hreinsar loftið og ætti því að vera staðalbúnaður á hverri skrifstofu.

Orkunotkun getur auðvitað orðið mjög mikil samfara mörgum tækjum sem malla dag og nótt.