Grænt Íslandskort

Náttúran.is vinnur nú að gerð íslenskrar útgáfu græns korts eða Green Map sem er alþjóðlegt samstarf um kortlagningu umvherfisvænnar þjónustu og náttúruverðmæta. Það er Anna Karlsdóttir lektor við HÍ sem er í forsvari fyrir Green Map hérlendis. Grænar síður Náttúrunnar eru eina heildstæða samantektin á vottaðri starfssemi og umvhverfismeðvituðum rekstri hérlendis og þótti því henta vel að nýta þau gögn til kortagerðar. Nú er unnið að hnitsetningu þessara gagna svo varpa megi upplýsingum á gagnvirk kort. Þessi þjónusta mun opna hér á Náttúran.is á næstu dögum og þróast svo áfram eftir þörfum og þróun í tæknilegum lausnum.

Náttúran.is vonast til að þetta framtak bæti þjónustuna við notendur vefsins og styði vaxandi þjónsutu á þessu sviði hérlendis.