Náttúruspilin 2008 komin út

Á Degi umhverfisins, þ. 25. apríl sl. var liðið eitt ár síðan að Náttúran.is fór í loftið. Til að kynna vefinn og innihald hans hönnuðum við svokölluð Náttúruspil, úrval góðra ráða af vefnum í formi stokks þá með 48 góðum ráðum. Spilunum var dreift víða en einungis í kynningarskyni. Nú á eins árs afmæli vefsins er fyrsta upplagið uppurið en spilin hafa notið fádæma vinsælda. Því var farið í endurútgáfu fyrir eins árs afmælið og við það tækifæri bættum við fjórum spilum til viðbótar í stokkinn og uppfærðum og aðlöguðum ýmsar upplýsingar í takt við efni á vefnum. Nú er komið ISBN númer á stokkinn og verður hann fáanlegur m.a. í verslunum Pennans Eymundsson. Áfram verður hægt að kaupa stokkinn hér á vefnum. Hægt er að panta stokkana í stærra upplagi á nature@nature.is og fyrirtækjum stendur til boða að fá stokkana sérmerkta.

Sjá 52 góð ráð fyrir þig og umhverfið.