Kallað eftir grænni skattlagningu

Umhverfismálanefnd breska þingsins sakar fjármálaráðuneytið um viðvarandi metnaðarleysi og skort á hugmyndaflugi þegar kemur að mengunarsköttum. Ráðuneytið ætti að líta í ríkari mæli til þeirra meðmæla sem koma fram í Stern-skýrslunna að því er kemur fram á vef BBC.

Sérstaklega er litið til flugferða í þessu samhengi. Nefndin hefur bent á að ráðlegt væri að flokka tegundir millilanda- og innanlandsfluga í mismunandi flokka eftir lengd þeirra og haga skattlagningu grænna skatta í samræmi við það.

Nefndin telur að Alistair Darling, fjármálaráðherra Bretlands, þurfi að setja umhverfismál á oddinn í næstu fjárlögum og miða að því að gera fólki auðveldara að gerast umhverfislega þenkjandi.