Fræðsla, náttúrulega

Í Frumkvöðlasetrinu á Höfn í Hornafirði starfrækir Rannveig Einarsdóttir, garðyrkjufræðingur, fyrirtæki sitt Náttúrulega ehf. en það sérhæfir sig í umhverfisfræðslu í víðum grundvelli.

Náttúrulega sinnir ýmsum umhverfisverkefnum og hannar „náttúruleg“ fræðsluskilti og umhverfisbæklinga þar á meðal utanhússmerkingar á tréskilti fyrir Fræðslustíga í Þórsmörk en þeir eiga að benda fólki á ýmis náttúrugæði og gefa fólki ábendingar og hvetja það til þess að hlusta og gefa sér tíma til að skynja umhverfið og stórkostleika náttúrunnar.

Sjá nánar á natturulega.is.

Mynd: Eitt af skiltum Náttúrulega. Texti á skilti:

Vatn í líkamanum

Vatn 60%
Fituefni 20%
Prótein 15%
Steinefni 5%

Vatn er það efnasamband sem mest er af í líkama mannsins, að meðaltali um 60%. Við hreyfingu gufar vatn út úr líkamanum. Fáðu þér sopa og fylltu á birgðirnar.