Sultugerð

Rabbabarasulta: 1 kg rabbabari, 800 gr hrásykur. Rabbabarinn er settur í pott og sykurinn ofan á og látinn standa þar til sykurinn er bráðnaður að mestu. Sultan á svo að sjóða við vægan hita þar til hún fer að dökkna. Hrærðu af og til í pottinum. Eftir því sem hún sýður lengur verður hún dekkri og þykkari. Bláberjasulta: 500g bláber, 300g hrásykur. Skolið bláberin vel. Sjóðið berin ásamt sykrinum í 15-20 mínútur. Hrærið mjög lítið og léttilega. Sulturnar setur þú svo í krukkur, kælir vel og lokar svo.