Klausturvörur - verslun með vörur framleiddar í klaustrum

Á sýningunni Vistænn lífsstíll sem haldin var í Perlunni þ. 25.-26. apríl kynnti Marianne Guckelsberger verslunina Klausturvörur. Sérstaða verslunarinnar felst í innflutningi og sölu á vörum sem framleiddar eru í klaustrum víðs vegar í Evrópu. Mörg hráefnanna eru ræktuð í klausturgörðum á vistvænan eða lífrænan hátt og framleiðslan byggist á aldgömlum hefðum.

Kaþólsk klaustur hafa verið starfrækt í u.þ.b. 1600 ár og voru menningarmiðstöðvar öldum saman, sér í lagi á sviði lækningalista og handverks. Grænmeti, ávextir og lækningajurtir vour ræktaðar í klausturgörðum, bæði til sjálfsþurftar og til hjálpar við bágstadda, auk þess sem uppskriftir og náttúruleg lyf voru þróuð og varðveitt í aldaraðir innan veggja klaustranna.

Myndin er af Marianne Guckelsberger á sýningunni í Perlunni. Ljósmynd: Guðrún Tryggvadóttir.