Globe verkefnið endurvakið

Landvernd hefur tekið við umsjón Globe-verkefnisins á Íslandi, en Globe er alþjóðlegt umhverfisverkefni með þátttöku skóla um veröld víða. 11 skólar tóku þátt í verkefninu á Íslandi á sínum tíma en starfsemin hefur legið í láginni undanfarið.
Eftir að Landvernd tók við umsjón með verkefninu er Alviðru ætlað að vera miðstöð Globe á Íslandi.
Því var vel við hæfi að endurvekja verkefnið með útplöntun í sameiginlegu útplöntunarátaki Globe vítt og breitt um veröldina, með því að planta nokkrum reynitrjám í Alviðru.
Krakkar í 6. bekk Vesturbæjarskóla tóku þátt í útplöntuninni og fórst þeim verkið vel úr hendi.
Trjánum var plantað í skógarreit norðan við bæinn í Alviðru í grennd við Vigdísarrjóður sem plantað var í til heiðursVigdísi Finnbogadóttur verndara Landverndar, í tilefni af 75 ára afmælis hennar 15. apríl 2005.