Ferðamannavegir og miðhálendið

Aðalfundur Landverndar, haldinn 3. maí 2008 í Norræna húsinu í Reykjavík, skorar á stjórnvöld að hefja þegar í stað vinnu um skipulag ferðannavega og ferðamannaleiða.

Greinargerð:
Landvernd hefur áður ályktað um ferðamannavegi og er bent á fyrri samþykktir og hálendisvegaskýrslu Landverndar.
Núverandi ökuleiðir á miðhálendinu ásamt ferðamannaleiðum á láglendi eru ýmist til komnar fyrir tilviljanir, fylgt var fornum reiðleiðum, þær byggja á framtaki einstaklinga og félagasamtaka, eða eru tilkomnar vegna orkuframkvæmda.
Móta þarf stefnu um ferðaleiðir gangandi, ríðandi, hjólandi og akandi umferðar.
Eðlilegt er að fulltrúar náttúruverndarfélaga, Samtök Útivistarfélaga, Samtök
Ferðaþjónustunnar, Samtök Sveitarfélaga og viðkomandi ráðuneyti komi að þessari stefnumörkun. Þessi málaflokkur varðar alla landsmenn.