Eigið fé mölbúans

Væri ekki skemmtilegt fyrir borgarbörnin stór og smá að eignast lamb í sveitinni og fá að fylgjast með því þroskast og dafna. Ekki er langt síðan að Íslendingar voru bændaþjóð og  börnin fengu tækifæri til að dvelja á alvöru sveitabæ á sumrin. Nú er sagan önnur en eins og margir muna kannski eftir var það alveg sérstök tilfinning að eignast lamb í sveitinni, þó ekki væri nema að nafninu til.

Sú snjalla hugmynd vaknaði hjá frumkvöðlinum Hlédísi Sveinsdóttur að gefa mölbúanum tækifæri á að eignast lamb, fylgjast með því og nýta afurðir þess. Á vefnum kindur.is er hægt að fræðast nánar um verkefnið og hvernig kaupin fara fram á eyrinni.

Sjá myndir frá opnun kindur.is á vef Sjávarútvegs- og landbúnaðarráðuneytisins.

Ljósmynd: Guðrún Tryggvadóttir.