Fjöruferð

Fjaran getur verið reglulega skemmtilegur staður til að eyða deginum með fjölskyldunni. Gaman er að taka með fötu til að tína það sem þið finnið í fjörunni svo sem skeljar, þara og viðarbúta sem rekið hafa á land og fallega steina. Einnig má taka með bækur um fjöruna, skeljar, fiska eða steina og skoða hvað það var sem þið funduð. Það getur líka verið gaman að setja saman lítið listaverk. Á góðviðrisdögum er svo tilvalið að busla á tánum í sjónum. Munið þið bara að ganga vel um fjöruna.