Hrafnaþing Náttúrufræðistofnunar

Fyrsta erindi vetrarins á Hrafnaþingi Náttúrufræðistofnunar Íslands verður flutt miðvikudaginn 29. október. Borgþór Magnússon, plöntuvistfræðingur NÍ, ríður á vaðið með erindið „Fþllinn í Rangárvallasýslu: útbreiðsla og saga“. Hægt er að nálgast dagskrá vetrarins á vef stofnunarinnar.

Hrafnaþing er heiti á fræðsluerindum Náttúrufræðistofnunar og er þetta í sjöunda sinn sem það er haldið. Hrafnaþingið verður með svipuðu móti og áður, en erindi verða flutt að jafnaði annan hvern miðvikudag frá kl. 12:15–13:00. Athygli er vakin á breyttum heimkynnum Hrafnaþings, en erindin verða nú haldin í sal söngskólans Domus Vox að Laugavegi 116, 2. hæð (sjá kort).

Á dagskrá vetrarins verða 13 áhugaverð fræðsluerindi um margvíslegar rannsóknir og athuganir innan ýmissa greina náttúrufræðinnar. Erindin eru öllum opin.

Dagskrá Hrafnaþings 2008-2009:

29. okt.	Borgþór Magnússon, plöntuvistfræðingur NÍ	Fþllinn í Rangárvallasýslu, útbreiðsla og saga
12. nóv.	Sigurður H. Magnússon, gróðurvistfræðingur NÍ	Gróðurbreytingar við Lagarfljót 1976–2004 - Áhrif virkjunar við Lagarfoss
26. nóv.	Baldur Garðarsson, líffræðingur og mastersnemi í siðfræði	Náttúrusýn Jónasar Hallgrímssonar
17. des.	Snæbjörn Pálsson, þróunarfræðingur	Flær og firnindi - rannsókn á frumbyggjum Íslands
14. jan.	María B. Steinarsdóttir, náttúrufræðingur	Botnlægar krabbaflær
11. feb.	Sverrir Aðalsteinn Jónsson, meistaranemi í jarðfræði	Gróðurfarssaga Fljótsdalshéraðs síðustu 2000 ár (fellur niður)
18. feb.	Hafdís Hanna Ægisdóttir, aðstoðarverkefnisstjóri Landgræðsluskólans	Landgræðsluskólinn: tilgangur og tækifæri
4. mars	Starri Heiðmarsson, fléttufræðingur NÍ	Vöktun tegundafjölbreytni við loftslagsbreytingar
18. mars	Hafdís Sturlaugsdóttir, bóndi og kortagerðarkona	Man sauður hvar gekk lamb?
1. apríl	Jón S. Ólafsson, vatnalíffræðingur	Vatnalíf á háhitasvæðum
22. apríl	Olga Kolbrún Vilmundardóttir, landfræðingur NÍ	Þróun rofbakka og áfok úr fjörum við Blöndulón
6. maí	Þóra Ellen Þórhallsdóttir, prófessor í grasafræði	Íslenskt landslag og flokkun þess
27. maí	10. bekkingar Álftanesskóla, vísindamenn framtíðarinnar	Að skila vísindamanni

---