Varðliðar umhverfisins

Í gær var 5 grunnskólum veitt viðurkenningin „Varðliðar umhverfisins“ á degi umhverfisins sem haldin var hátíðlegur í gær. Þeir grunnskólar sem hlutu viðurkenninguna voru Grunnskóli Tálknafjarðar fyrir umhverfissáttmála, Foldaskóli fyrir ljósmyndaverkefni sem fjallaði um mengun og sorphirðu, bekkur 53 í Hólabrekkuskóla fyrir verkefnið ruslpóstur, 9. bekkur Álftamýraskóla fyrir verkefnið „Við eigum aðeins eina jörð“ og Lýsuhólsskóli fyrir stikun gönguleiða um Kambsskarð og „virkjun Stubbalækjar“. Það var umhverfisráðherra Jónína Bjartmarz sem veitti viðurkenninguna.

Myndin er af ungum „varðliða“ við kynningarstand Náttúrunnar í Kringlunni.
Ljósmynd: Guðrún Tryggvadóttir.