Grænn apríl á blússandi siglingu

Upphaf Græns apríls var markað í Ráðhúsi Reykjavíkur þ. 1. apríl sl. er Svandís Svavarsdóttir, umhverfisráðherra, klippti á borðann, Edda Björgvins flutti fjallkonuræðu um umhverfið og okkur og Óli rappar tók frumsamið lag um Grænan apríl.

En aprílinn græni er rétt að byrja og sífellt bætast við nýir þátttakendur. Enn er hægt að gerast Grænjaxl og/eða þátttakandi með því að skrá sig á www.graennapril.is en takmark verkefnisins er einmitt að vekja athygli á því sem að „þú“ og „þitt“ fyrirtæki eða stofnun eruð að gera!

Hér á Græna Íslandskortinu getur þú séð yfirlit og ítarupplýsingar um alla þátttakendur í Grænum apríl.

Ljósmynd: Svandís Svavarsdóttir umhverfisráðherra klippir á borða Græns apríls, ljósm. Maríanna Friðjónsdóttir.