Enn skelfur jörð norðan Vatnajökuls

Í dag hófst enn ein hrina skjálfta norðan Vatnajökuls. Hrina þessi er austar en fyrri hrinur sem verið hafa við Upptyppinga. Skjálftarnir eru á talsverðu dýpi og frekar litlir en eru taldir benda til hreyfingar kviku. En á þessu svæði eru flekaskil. Páll Einarsson jarðeðlisfræðingur hefur sagt um þessar hræringar að þær geti mögulega leitt til goss á svæðinu og þá jafnvel dyngjugoss sem mundi þá standa lengi yfir. Fyljast má með upplýsingum á vef veðurstofunnar. En þar birtast sjálfvirkar mælingar settar fram með greinargóðum hætti.

Mynd. Samsett úr gögnum Veðurstofu Íslands, Einar Bergmundur.