Komdu og skoðaðu í kistuna mína - Marína

Næstkomandi sunnudag 13.apríl milli kl. 12:00 og 17:00 verður sannkölluð markaðsstemning í Strandgötu 53 á Akureyri. Staðurinn heitir nú Marína Akureyri og hþsti áður skemmtistaðinn Oddvitann til margra ára.

Nýjar áherslur eru á rekstrarformi staðarins og er húsið nú leigt út til veislu- og fundahalda ásamt því að rekstraraðilar standa sjálfir að viðburðum. Yfir sumartímann verður staðnum breytt í þjónustumiðstöð við skemmtiferðaskip þau er eiga viðdvöl á Akureyri.

Fyrsti markaðsdagur í Marínu verður næstkomandi sunnudag undir yfirskriftinni „Komdu og skoðaðu í kistuna mína“ Þar munu vel á þriðja tug aðila koma með nýjar og notaðar vörur og leggja undir sig húsið sem telur yfir 700 fermetra. Kaffi og vöfflustemning - Krakkahorn - Hvetjum alla til að kíkja við.

Meira á marina.is.