Kælitæki

Gömul kælitæki innihalda kælimiðilinn freon en það er efni sem veldur eyðingu ósonlagsins. Notkun þessa efnis hefur að mestu verið hætt í framleiðslu á nýjum kælitækjum. Að auki innihalda kælitækin olíu sem flokkast sem spilliefni. Kælitæki eru send til Efnamóttökunnar hf. sem flytur þau til fyrirtækisins Uniscrap í Danmörku. Þar eru freon og olía tæmd úr skápunum og þessum efnum komið til eyðingar. Skáparnir sjálfir eru svo teknir í sundur og flokkaðir til endurvinnslu. Helstu endurvinnsluflokkar eru járn, ál, kopar og plast.