Jólakort til styrktar Lyngási

Sögumiðlun hefur framleitt jólakort til styrktar Lyngási, dagvistar fyrir fötluð börn og ungmenni, sem er hluti af Styrktarfélaginu Ás. Myndin á jólakortinu er búin til úr pappír, eggjabökkum, álfilmu af smjördollu og gömlu klæði..

Lyngás
Á Lyngási dvelja fötluðustu börnin hverju sinni. Á tímum sem þessum er mikilvægt að gleyma ekki þessum hóp sem þarf á öflugum málsvörum að halda. Það góða starf sem þarna fer fram skiptir sköpum í lífi þessara einstaklinga og fjölskyldna þeirra. Sögumiðlun vill með þessu leggja sitt að mörkum og um leið þakka fyrir þá frábæru þjónustu sem þau fengu er sonur þeirra dvaldi þarna í rúmt ár. Eins árs var hann varla farinn að geta setið uppréttur en ári síðar labbaði hann út af Lyngási og er nú í almennum leikskóla.
Pakki með 8 jólakortum og umslögum kostar 1000 krónur en allur ágóði rennur óskiptar til Lyngáss. Pantanir berist á gyda@sogumidlun.is.