Jökulsárganga - Mótmælagangan mikla

Gífurlegt fjölmenni tók þátt í Jökuslárgöngunni í Reykjavík í kvöld. Mönnum ber á klassískan hátt ekki saman um tölulegan fjölda, lögreglan segir 7-8 þúsund manns en aðrir vilja meina að mannfjöldinn hafi verið nærri 15 þúsundum á Austurvelli þegar dagskráin stóð sem hæst. Strax við upphaf göngunnar, á Hlemmi, var mannþröng og hátíðlegt yfirbragð í hlýjunni og myrkrinu. Fólk flykktist upp Laugaveginn til að byrja gönguna frá Hlemmi, fljótt var ljóst að þúsundir manna myndu fylgja Ómari Ragnarsyni niður Laugaveginn til merkis um stuðning við málstaðinn „að forða fyllingu Hálslóns“. Á risatjaldi á Austuvelli voru sýndar myndir eftir Christopher Lund (sjá myndirnar).
-
Myndin t.v. er tekin við upphaf göngunnar frá Hlemmi. Ljósmynd: Guðrún Tryggvadóttir.
Myndin t.h. er af Ómari að taka á móti þökkum frá einum stuðningsmanna sinna eftir fundinn. Ljósmynd: Birgir Þórðarson.