Náttúran.is tekur þátt í þjóðarátaki um rafbílavæðingu Íslands

Nú í vikunni var undirritaður samningur milli Náttúran.is og EVEN sem felur í sér staðfestingu á því að Náttúran.is mun taka þátt í uppbyggingu hleðslukerfis fyrir rafbíla og hjálpa til við fræðslu um verkefnið.

EVEN vinnur að þjóðarátaki um orkuskipti í samgöngum sem gerir rafbílavæðingu Íslands mögulega. Verkefnið er byggt upp með þátttöku lykil fyrirtækja og stofnana í samfélaginu, auk ríkis og sveitarfélaga.

Þessir aðilar sameinast um að stuðla að nýtingu raforku í samgöngum með beinni þátttöku í þjóðarátakinu, þjóðinni til heilla. Þátttakendur eru skilgreindir sem aðilar með samfélagslega ábyrgð. Með þátttöku í verkefninu senda þeir skýr skilaboð til samfélagsins, sinna birgja, samstarfsaðila og viðskiptavina um gildi þess fyrir þjóðfélagið að rafbílavæðing Íslands verði að veruleika.

EVEN mun standa að uppsetningu orkupósta í samvinnu við fyrirtæki og stofnanir á landinu öllu. Verkefnið setur skýra stefnu á grænar lausnir til eflingar sjálfbærrar þróunar á Íslandi sem er í fullkomnu samræmi við það sem að Náttúran.is hefur verið að vinna að á undanförnum árum.

Ljósmynd: Sighvatur Lárusson framkvæmdastjóri EVEN ehf. og Guðrún Tryggvdóttir framkvæmdastjóri Náttúran er ehf. takast í hendur eftir undirritun samningsins.