Nýr framkvæmdastjóri Landverndar

Bergur Sigurðsson tekur við starfi framkvæmdastjóra Landverndar í dag. Hann er með Cand Scient (M.Sc.) í umhverfisefnafræði og Cand Mag (B.Sc.) í efnafræði frá háskólanum í Osló og leggur nú stund á MBA nám við Háskóla Íslands. Bergur var áður sviðsstjóri á umhverfissviði og staðgengill framkvæmdastjóra Heilbrigðiseftirlits Suðurnesja. Bergur hefur lengi sinnt náttúruverndar- og umhverfisstarfi og hefur m.a. unnið ýmis ráðgjafastörf í þágu Landvernd á undanförnum árum.