Fiskar mikilvægir fyrir verndun kóralrifa

Ástralskir vísindamenn segja að lykillinn að verndun kóralrifa fyrir áhrifum loftslagsbreytinga, mengun og annarra ógna geti verið fjölgun fiska í sjónum. Sumir fiskar losi kóralla við þörunga.

Hópur vísindamanna kom fyrir þingið í Canberra og fjallaði um málið. Þeir sögðu að ákveðnar fiskategundir haldi þörungum frá dauðum kóralrifum, sem gefur kóröllunum færi á að vaxa aftur og endurnýja sig.

Rannsóknir hópsins sýndu fram á að þrisvar sinnum meiri kórall vex þar sem fiskarnir eru en þar sem þeir eru ekki. Talið er mikilvægt að vernda kóralla í Great Barrier flóanum, en hann skilar efnahagskerfi Ástralíu 6 milljörðum dollara á ári, með ferðamönnum og fiskveiðum, að sögn BBC.