Lífrænt ræktuð íslensk jólatré frá Vallanesi

Eymundur Magnússon bóndi í Vallanesi í Fljótsdalshéraði hefur á undanförnum árum plantað um milljón trjám á landi sínu í Vallanesi, mikið af þeim stafafura [Pinus contora].

Allt sem Eymundur framleiðir hvort sem eru tré, kartöflur, bygg eða grænkál er ræktað með aðferðum lífrænnar ræktunar enda ber bú hans vottun frá vottunarstofunni Túni um 100% lífræna ræktun í Vallanesi. Bygg, olíur, grænmeti og tilbúnir réttir eru markaðssettir undir nafninu Móðir jörð og fást m.a. olíur og malað og heilt bygg frá Móður jörð hér á Náttúrumarkaðinum.

Nú er komið að annarri uppskeru nokkurra hundraða þessarar lífrænt ræktuðu stafafuru og munu þær vera á boðstólum dagana 19. til 23. desember á stéttinni fyrir utan verslunina Yggdrasil á Skólavörðustíg í Reykjavík, hjá Eymundi í Vallanesi og að Selási 11 á Egilsstöðum.

Sjá heilt bankabygg, byggmjöl, Birkiolíu, Blágresisolíu og Lífolíu hér á Náttúrumarkaðinum.

Sjá nýja vef Móður jarðar.

Myndin er af stafafurru [Pinus contora] í Reykholti. Ljósmynd: Guðrún Tryggvadóttir.