Matvæladagur á Austurlandi

Austfirskar Krásir - klasasamstarf matvælaframleiðenda, veitingastaða og mataráhugafólks á Austurlandi, blása til viðburðar á Hótel Héraði fimmtudaginn 16. maí. Á Matvæladeginum munu matvælaframleiðendur Austurlands kynna sig og sínar afurðir. Boðið verður uppá léttar veitingar í anda fjórðungsins sem geta gefið gestum hugmyndir um notkun á austfirsku hráefni.

Boðinu er beint til innkaupaaðila stofnana og fyrirtækja (mötuneyta), ferðaþjónustuaðila og veitingahúsa. Nú fer í hönd ferðamannatími þar sem matur getur og á að gegna lykilhlutverki í upplifun ferðamannsins á Austurlandi. Viðburðinum er ætlað að vekja athygli fyrirtækja og stofnana á því framboði matvæla sem í boði er á svæðinu. 

Dagskráin er sem hér segir:

16.00 - Húsið opnar 
17.00 - Opnun - Eygló Björk Ólafsdóttir, formaður Austfirskra Krása 
17.10 - Matur og upplifun ferðamannsins - Tinna Björk Arnardóttir frá Nýsköpunarmiðstöð
17.30 - 19.00 Kynning matvælaframleiðenda á Austurlandi

Austfirskar Krásir hvetja veitingahús á svæðinu til þess að vekja athygli á austfirsku hráefni á matseðlum sínum í tengslum við Matvæladaginn. 

Það yrði okkur sönn ánægja ef þú eða fulltrúi þíns fyrirtækis gætuð komið á þennan viðburð.

Vinsamlegast staðfestið þátttöku við Heiði eða Magnfríði hjá Austurför í síma 471 3060 eða á netfangið austurfor@austurfor.is