Lokanir á vegum vegna slæmrar veðurspár

Í ljósi slæmrar veðurspár hefur Vegagerðin ákveðið í samráði við Lögregluna á Suðurlandi og viðkomandi þjónustustöðvar Vegagerðarinnar, að loka hringvegi 1 frá Markarfljóti að Breiðamerkurlóni kl. 14:00 í dag. ( Lokunarstaðir við Lómagnúp og Freysnes verða einnig mannaðir) 

Veður fer einnig mjög versnandi á Austfjörðum uppúr kl. 17:00. Sama á einnig við um allt norðvestanvert og norðanvert landið um kl 19:00. Ekkert ferðaveður verður á þessum svæðum og ljóst að fjallvegum verður lokað með kvöldinu, útlit er fyrir að sama veður verði áfram á laugardag og þjónusta á vegum verði í lágmarki og einungis á láglendi.