Aðgerðum ríkisstjórnarinnar mótmælt á Austurvelli

Áhöld eru um fjölda fólks sem mætti á Austurvöll í gær. Lögreglan telur að rúmlega 4 þúsund hafi mætt en aðrir nefna 6-7 þúsund manns.

Hvort heldur er rétt þá var vel mætt og greinilegt að mikil óánægja er í þjóðfélaginu, af fjölbreyttum ástæðum.

Endurteknir mánudagsfundir voru nefndir sem næstu skref og þá er að sjá hvort að landsmenn séu nógu óánægðir til að mæta á planið þangað til breytingar hafa verið knúnar fram.

Nú er leitað að slagorðum sem best fá lýst ástandinu og hinum ýmsu málum sem barist er fyrir breytingum á.

Á Facebook-viðburðarsíðunni Mótmælum aðgerðurm ríkisstjórnarinnar er hægt að leggja slagorð í púkkið.