Náum í það sem er í pokanum

Gögn/áhöld: Einn poki á hvern hóp.  Í hverjum poka 2-5 náttúruhlutir.

Ein útgáfa af leiknum „Hvað er í pokanum“ er að skipta þátttakendum í 2-3ja manna hópa. Hver hópur fær einn poka með nokkrum hlutum í. Í fyrsta skiptið sem leikurinn er leikinn er nóg að setja 1-2 hluti í hvern poka. 

Án þess að sjá hvað er í pokanum eiga hóparnir að finna samskonar hluti í umhverfinu. Þátttakendur mega bara þreifa á því sem er í pokanum en þurfa að sammælast um þá hluti sem þeir leita eftir í umhverfinu.

Hægt er að gera leikinn að keppni með því að gefa hópunum ákveðinn tíma til verksins.