Jólasokkur - tákn jólanna

Jólasokkurinn- eða skórinn gegnir því hlutverki að taka við gjöfum jólasveinsins. Gjöf í skóinn er einskonar ósk um fararheill um lífsins veg. Vestan hafs er sokkur hengdur á arininn á jólanótt, en í Evrópu setja börnin skóinn sinn út í glugga, en aðeins eina nótt, aðfaranótt 6. desembers, á messu heilags Nikulásar. Á Íslandi byrja börnin að setja skóinn sinn út í glugga þrettán dögum fyrir jól þar sem íslensku jólasveinarnir eru þrettán.

Grafík: Jólasokkur og jólaskór, Guðrún Tryggvadóttir ©Náttúran.is.