Umhverfisstefna Náttúrunnar er

Með vitundarvakningu og þátttöku almennra neytenda er hægt að nota markaðsöflin til þess að leysa mörg af þeim umhverfisverkefnum sem heimurinn stendur frammi fyrir í dag, hvort sem þau eru staðbundin eða hnattræn. Þetta vill Náttúran er ehf. gera með því að vera:

• fréttamiðill og veita neytendum óháðar upplýsingar um vörur og þjónustu sem tengjast náttúrunni, umhverfis-, félagslegum og/eða heilbrigðismálum og sjálfbærri þróun á einn eða annan hátt.
• vettvangur fyrirtækja og stofnana til að koma upplýsingum um vöru og/eða þjónustu, sem tengjast fyrrgreindum málaflokkum, á framfæri við neytendur á hlutlausan og trúverðugan hátt.
• markaðstorg þar sem neytendur geta keypt heilsusamlegar og umhverfisvænar vörur á hagstæðum kjörum.

Náttúran er ehf. leitar stöðugt nýrra leiða til að upplýsa neytendur um umhverfi sitt auk þess að minnka umhverfisáhrif af starfsemi fyrirtækisins og koma í veg fyrir mengun. Náttúran er ehf. á að vera fyrirmynd annarra í umhverfismálum og starfar í samræmi við íslensk lög og reglur.

Lógó Náttúrunnar: Guðrún Tryggvadóttir og Signý Kolbeinsdóttir ©Náttúran.is.