Hvernig tekur maður slátur? - Uppskriftasöfnun

Nú er sauðfjárslátrun komin í fullan gang á landinu öllu og líklegt að margir hafi hug á að fá sér skrokk og hyggi jafnvel á að taka slátur á næstunni. En ekki eru allir aldir upp við iðju þá og því mikilvægt að þeir fróðari leggi til góð ráð og leiðbeiningar um hvernig fara beri að.

Náttúran.is er á höttunum eftir uppskriftum og góðráðum sem nýtast geta við sláturtökuna og við tilreiðslu, vinnslu og geymslu á keti og innmat. Þið sem lumið á góðum og skemmtilegum uppskriftum, endilega laumið henni í uppskriftasöfnunina hér á vefnum. Myndir mega einnig fylgja og sendast þá sem viðhengi á nature@nature.is Við komum uppskriftinni þinni síðan til skila hér á vefnum.

Myndin er af sláturgerð, blóðmörskeppir fylltir. Ljósmynd: Bjarnheiður Jóhannsdóttir.