Leikur og nám

Leikur er nám og nám getur verið leikur. Það er þó ekki alltaf raunin, allt fer eftir því hvernig litið er á hlutina. Þetta á við hjá börnum jafnt sem fullorðnum. Börn ættu að fá að vera börn eins lengi og unnt er, helst langt fram á elliár.

6 ára börn sem sett eru niður við skrifborð (skólaborð) klukkutímunum saman fá létt sjokk ef leikinn vantar í námið.

Vandamál skólakerfisins er oftar en ekki að námið hefur verið strippað svo gersamlega og aðskilið frá leiknum að hvorki gleði né tilgangur er í því fyrir barnið.

Börnum líður best úti í náttúrunni og hljóta að læra mest um náttúruna með því að skoða hana vel. Útikennslu eru að hasla sér völl hér á landi en hefur sér langa sögu í mörgum menningarþjóðfélögum. Vont veður má oftast nær klæða af sér og ætti ekki að hamla neinum frá því að fara út í leik og  rannsóknarleiðangra.

Meiri hluti skóla á Íslandi taka nú þátt í Grænfánaverkefni Landverndar. Skólar þurfa að ganga í gegnum sjö skref til að ná Grænfánanum. Skrefin sjö eru: Í skólanum starfar umhverfisnefnd, í skólanum hefur staða umhverfismála verið metin, gerð hefur verið áætlun um aðgerðir og markmið, nemendur fá fræðslu um umhverfismál, skólinn kynnir stefnu sína út á við og fær aðra með og skólinn hefur sett sér umhverfissáttmála.