Verkfæri

Með svolítilli hagræðingu og snyrtimennsku er hægt að gera hina vistlegustu vinnuaðstöðu í bílskúrnum, þó að hann sé smár. Skúffur, hillur og snagar (naglar) til að hengja verkfæri á, t.d. með teiknuðum útlínum, einfalda mjög alla reglu á hlutunum. Þannig er gott að fylgjast með hvort að verkfæri vanti á sinn stað eða ekki.

Við kaup á verkfærum er gott að muna að kaupa ekki rusl heldur gæði. Það margborgar sig. Hrein og þurr verkfæri eru langlífari. Verkfæri fyrir bílinn og önnur fyrir smíðar eða viðhald ættu að vera á aðskildum stöðum svo ekki fari allt í handaskolun.