Heimsins græna gull

Ráðstefnan Heimsins græna gull verður haldin í Kaldalóni í Tónlistar- og ráðstefnuhúsinu Hörpu, laugardaginn 22. október n.k.  Um er að ræða alþjóðlega ráðstefnu sem allur skógræktargeirinn á Íslandi stendur fyrir á Alþjóðlegu ári skóga og fjallar hún um ástand og horfur skóga heimsins.

Helstu talsmenn og sérfræðingar á málefnum skóga á heimsvísu munu fjalla um þátt skóga og þýðingu þeirra fyrir mannkynið.  Ráðstefnan fer fram á ensku, en boðið er upp á túlkaþjónustu fyrir þá sem þurfa.

Ráðstefnan verður hápunktur margra viðburða sem íslenskt skógræktarfólk hefur staðið fyrir á árinu. Er skógræktarfólk hvatt til að fjölmenna á þennan einstaka viðburð.

Sjá nánar um ráðstefnuna á vef Skógræktarfélags Íslands.