Yfir ellefuþúsund hafa skrifað undir áskorun á stjórnvöld og Alþingi í undirskriftasöfnun um orkuauðlindirnar

Björk Guðmundsdóttir kynnti áskorunina, fyrir þremur dögum síðan, á blaðamannafundi með söng og varpaði um leið fram lykilspurningum um framtíð Íslands og orku. Hún sagðist vilja sprauta fræjum inn í íslenska rannsóknarblaðamennsku og hvatti, ásamt öðrum, til opinnar og gagnrýnnar umræðu um Magmamálið, sem nú er orðið að prófmáli íslenskrar orku- og auðlindastefnu.

Í kjölfarið hafa ellefuþúsund þrjúhundruð og níutíu undirskriftir safnast (staðan þ.22.07. kl. 22:50) á ofurhraða inn á síðuna www.orkuaudlindir.is þar sem má lesa eftirfarandi áskorun :
„Ég undirrituð/undirritaður skora á stjórnvöld að koma í veg fyrir söluna á HS Orku og skora jafnframt á Alþingi að láta fara fram þjóðaratkvæðagreiðslu um eignarhald á orkuauðlindum Íslands og nýtingu þeirra.“

Grafík: Þeir sem vilja geta sótt þennan kubb og sett á heimasíður sínar með tengil á http://www.orkuaudlindir.is til að hjálpa fólki að rata inn á undirskriftasöfnunina.