Hvannarlömbin vel heppnuð

Tilraunir með að „krydda“ lambakjöt áður en lömbunum er slátrað hefur skilað góðum árangri en fyrstu sérræktuðu hvannarlömbunum var slátrað í Dölunum nú í haust.

Síðustu vikur fyrir slátrun var lömbunum beitt á hvönn [Angelica Archangelica] og þannig fékkst merkjanlegur munur á bragði kjötsins. Verkefnið er talið vera vísir að skemmtilegri tilbreytingu í lambakjötsframleiðslu og geta gefið framleiðendum forsköt í nýsköpun og ferðamennsku með sérstöðunni.

Verkefnið er unnið að frumkvæði Höllu Steinólfsdóttur og Guðmundar Gíslasonar sauðfjárbænda í Ytri-Fagradal á Skarðsströnd. Matís hafði umsjón með tilrauninni sem er talin hafa heppnast mjög vel.