Vindorka

Nú er sumarbústaðatíminn í hámarki og margir með hugann við orku og þægindi. Hér á landi er víðasthvar nokkur vindur alla daga og vindorka því stöðugri kostur en sólarrafhlöður til orkuvinnslu. Sumir hafa veðjað á báða kostina enda sjaldgæft að hvorugt sé til staðar. Mikil þróun hefur átt sér stað í búnaði og komnar á markað litlar vindmyllur sem eiga að þola flest veður. Á heimasíðu Better Generation má finna ágæta samantekt á þessum græjum og eins panta vindmæli til að rannsaka hagkvæmnina áður en farið er í framkvæmdir.