Sameining á heilsumarkaði

Tilkynnt hefur verið um fyrirtækin Maður lifandi, Himnesk hollusta, Bio Vörur og Grænn kostur hafi sameinast með þátttöku Salt Investments sem er í eigu Róberts Wessmans. Í tilkynningu segir:

Að markmið sameiningarinnar sé að búa til öflugt fyrirtæki, sem byggir á þeirri sýn, að hollt mataræði stuðli að heilbrigði og auki lífsgæði. Yfirlýst markmið nýja félagsins sé að bæta mataræði og neysluvenjur ungra sem aldinna og huga jafnframt að útvíkkun á starfsemi félagsins til annarra landa.

Maður lifandi hefur rekið matsölu og verslun á tveimur stöðum í Reykjavík.
Grænn kostur var einn brautryðjanda í sölu spennandi hollra máltíða.
Himnesk hollusta framleiðir mat og salat til sölu í verslunum auk þess að flytja inn hollustuvörur.
Bio Vörur eru heildverslun með hollustuvörur.

Spennandi verður að sjá hverju þetta öfluga samstarf fær áorkað.