Landvernd auglýsir eftir framkvæmdastjóra

Landvernd er frjáls félagasamtök sem starfa að umhverfismálum til að vernda og bæta lífsgæðin í landinu. Hlutverk Landverndar er að standa vörð um íslenska náttúru og vera virkur þátttakandi í stefnumótun, fræðslu og upplýstri ákvarðanatöku í málum er varða landnotkun, auðlindir og umhverfi. Samtökin voru stofnuð 1969.

Helstu verkefni:

• Dagleg stjórn skrifstofu Landverndar
  
• Framkvæmd starfs- og fjárhagsáætlana
  
• Talsmaður samtakanna og samskipti við fjölmiðla
  
• Umsjón með fjáröflun vegna verkefna
  
• Ábyrgðarmaður útgáfu og ritstjóri heimasíðu
  
• Skipulagning málþinga og annarra viðburða
  
• Samskipti við stjórnvöld og aðra hagsmunaaðila
  
• Skipulag og samræming aðgerða er miða að því að ná settum markmiðum

Hæfniskröfur:

• Þekking á orku- og umhverfismálum
  
• Þekking á stjórnsýslu og lagaumhverfi
  
• Skipulagshæfileikar og stjórnunarreynsla
  
• Hæfni til að tjá sig í ræðu og riti á íslensku, ensku og Norðurlandamáli
  
• Hæfni til að setja saman vandaðar álitsgerðir í samráði við stjórn
  
• Frumkvæði, drifkraftur, samskiptahæfni
  
• Frumleg og heildræn hugsun
  
• Brennandi áhugi og vilji til að ná árangri

Um er að ræða hálft starf frá áramótum til að byrja með. Frekari upplýsingar veitir Björgólfur Thorsteinsson, sími 864-5866. Umsóknir óskast sendar á netfangið bth@landvernd.is.

Sjá nánar um Landvernd á vef samtakanna www.landvernd.is.