Matarbúr Kaju fyrirtæki
Matarbúr Kaju opnaði nýja verslun að Óðinsgötu 8b í byrjun september 2016. Matarbúr Kaju selur lífrænt vottuð matvæli, bæði eftir vigt undir merkjum Kaju en auk þess selur Kaja fjölda vörumerkja lífrænt vottaðra matvara. Heildsalan Kaja organic byrjaði á að sérhæfa sig í að þjónusta framleiðendur, leik- og grunnskóla svo og önnur stóreldhús en rekur nú auk þess tvær verslanir og eitt kaffihús. Matarbúr Kaju er fyrsta lífrænt vottaða verslunin á Íslandi.
Opnunartími: Má.-Fö. 11:00-18:00.
Óðinsgata 18b
101
Reykjavík
431 1622
8221668
kajaorganic@gmail.com
- Hluti af:
- Kaja organic ehf
Á Græna kortinu:
Græn verslun
Grænar verslanir hafa þá meginstefnu að bjóða upp á afurðir úr héraði, lífrænt- og umhverfisvottaðar vörur. Stærri matvöruverslanir s.s. Bónus, Nettó, Samkaup, Hagkaup og Krónan bjóða auk þess upp á æ stærra vöruúrval í grænum deildum sínum.
Vottanir og viðurkenningar:
Vottað lífrænt - Tún
Á Íslandi annast Vottunarstofan Tún eftirlit með lífrænni framleiðslu. Í lífrænni ræktun felst að varan hefur verið ræktuð með lífrænum aðferðum, án eiturefna, tilbúins áburðar, hormóna eða erfðabreyttra lífvera. Vottað er í samræmi við reglugerð Evrópusambandsins um lífræna landbúnaðarframleiðslu og reglur Túns um lífræna snyrtivöruframleiðslu og matreiðslu. Samkvæmt þeim er óheimilt að markaðssetja landbúnaðarvörur sem lífrænar nema þær hafi verið framleiddar í samræmi við ákvæði þessara staðla. Vottunin staðfestir að lífrænum aðferðum hafi verið beitt en metur ekki umhverfisáhrif vörunnar eða umbúða hennar.
