Tími ofnýtingar náttúruauðlinda er liðinn

Landgræðsla ríkisins og Landvernd bjóða til hádegisfyrirlestrar föstudaginn 17. apríl kl. 12:15 í fyrirlestrasal Þjóðminjasafns Íslands.  Roger Crofts, sem er alþjóðlegur ráðgjafi margra ríkisstjórna og félagasamtaka á sviði umhverfismála, fjallar í fyrirlestrinum um framtíðarsýn sem byggir á nýju gildismati, verndun og sjálfbærri nýtingu náttúruauðlinda. Fyrirlesturinn er á ensku.
 
Roger Crofts var áður framkvæmdastjóri Scottish Natural Heritage (SNH), en sú stofnun fer með yfirstjórn náttúruverndar í Skotlandi. Hann þekkir vel til hér á landi og hefur m.a. veitt Landgræðslunni, Umhverfisstofnun, Landvernd og umhverfisráðuneytinu margvíslega ráðgjöf á sviði umhverfismála.