Kaupmannahöfn fyrsti danski réttlætisbærinn

Orð dagsins 18. nóvember 2008.

Kaupmannahöfn er fyrsti réttlætisbærinn í Danmörku. Þetta var kunngjört um síðustu mánaðarmót þegar fulltrúi Max Havelaar afhenti Ritt Bjerregaard, aðalborgarstjóra Kaupmannahafnar, formlega staðfestingu á að borgin hefði uppfyllt skilyrði hvað þetta varðar. Þetta felur m.a. í sér að í ráðhúsi borgarinnar verður eingöngu boðið upp á réttlætismerkt („Fairtrade vottað“) te og kaffi, að borgin hvetur íbúa og fyrirtæki til réttlátra viðskipta, að sífellt fleiri fyrirtæki og stofnanir í borginni kaupa réttlætismerktar vörur og að sérstakur stýrihópur leiðir áframhaldandi þróunarstarf borgarinnar á þessu sviði. Nú þegar eru um 10% af öllu kaffi sem borgin kaupir réttlætismerkt, en þessi 10% samsvara um 8 tonnum á ári.
Lesið frétt á heimasíðu Kaupmannahafnarborgar 29. okt. sl.,
frétt á heimasíðu Max Havelaar í Danmörku 30. okt. sl.,
skoðið heimasíðu réttlætisbæjarins Kaupmannahafnar
og rifjið upp „Orð dagsins“ 28. ágúst 2007.