Kvennafrídagurinn er í dag

Elsku konur, til hamingju með daginn! Allar konur sem skrá sig á póstlista okkar í dag fá gjöf frá Náttúrunni senda heim. Skráningarlistinn er hér t.v. á siðunni (undir auglýsingunum). Sendið okkur líka heimilisfangið á nature@nature.is svo gjöfin komist til skila. Hinar sem þegar eru á póstlistanum geta auðvitað líka sent okkur línu og fengið gjöf. Sendu bréfið á: nature@nature.is.

Takið ykkur frí frá vinnu í dag vegna þess að:

• atvinnutekjur kvenna eru aðeins 64,15% af atvinnutekjum karla
• konur eru með 72% af launum karla fyrir jafnlangan vinnutíma
• barneignir hafa neikvæð áhrif á laun kvenna en jákvæð áhrif á laun karla
• margar konur búa við öryggisleysi og ógn á heimilum sínum
• ein af hverjum þremur konum verður fyrir kynbundnu ofbeldi á lífsleiðinni
• konur uppskera ekki í samræmi við menntun sína
• konur í fyrirtækjarekstri hafa verri aðgang að fjármagni
• ábyrgð á umönnun barna og heimilisstörfum er enn að mestu á höndum kvenna
• umönnunarstörf eru með lægst launuðu störfum á vinnumarkaði
• rödd kvenna er veik í fjölmiðlum
• litið er á líkama kvenna sem söluvöru
• kona hefur aldrei verið forsætisráðherra, bankastjóri eða biskup
• konur hafa aldrei verið helmingur þingmanna
• konur njóta ekki jafnréttis á við karla
• þessu þarf að breyta. Ég þori, get og vil!