ETech 2009: Ný Adobe tól fyrir sjálfbæra hönnun

Þrívíddartölvuforrit og önnur hjálpartæki stafrænnar tækni sem geta hjálpað hönnuðum að taka umhverfisviðmið inn í hönnunarferlið voru kynnt á ETech sýningunni í byrjun mánaðarins. Hönnuðir þurfa því ekki að gerast umhverfisfræðingar per exellence áður en hið skapandi ferli getur hafist, aðeins sett sig lauslega inn í málin, unnið faglega á sínu sviði og látið forritið um að segja sér hvaða lausnir séu í boði og hvernig sparlegast sé farið með efni og auðlindir.

Þetta hljómar næstum of vel til að geta verið satt en Kevin Lynch tæknilegur stjórnandi Adobe kynnti slík tól á ETech þ. 3. mars sl. Þetta eru stórkostlegar fréttir virki tólin jafn vel og sögur fara af.